Friday, March 2, 2012

Lerh Hi

Ka naupan deuh lai chuan engtin nge mi hi an inngaihzawn dan hi ka hrethiam lo a, ka ngaihtuah dan chuan khawlaiah hian mipa leh hmeichhia hi an intawk ang a, "Inngaizawng ang" an ti tawp a nih ka ring thin. Ka mitthla a ka hmuh tak phei chu Aizawl Bazarpui, Israel Point bus stop bul vel kawngpui saw a nia. Mipa zawk kha Zion Street lam atang khan a rawn phei a, hmeichhia kha a opposite lam atangin. An intawk a, inngaihzawn an remti a, an inngaizawng ta der a! Inrim tih vel kha ka la hrethiam pha chiahlo aniang.

Fast forward 25 years. 2010 kuma Mizorama ka haw in ka thiannu naute thar ka en a, thar han tih lemah thla 5 vel chu a ni tawh a. Tette atanga inkawm kan ni a, ka awmloh hlanin pasal min lo neihsan daih mai a, ka ngei khawp mai a. Kan thianho ah amah kha pasal nei hmasa ber a ni. "Pasal hi nei ve thuai rawh u, lerh ve deuh te hi a ngai ania" a ti a. Kan ngei khawp mai, pasal nei dek dek a thiante min han vei nghal ringawt kha.

Han dam ve tak rengah chuan kum te pawh a lo tam ve zel a, thiante'n pasal an han neih tak pheuh pheuh ah chuan rilru ah a lo lan ve chang a awmlo theilo. Mahse pasal neih hi famkimna chiah emni le? Neilo pawh hian a hlim ve theih tho lo'mni? A nei tawh te kha chuan "I neih hma chu i hrethiam lo ang" in ti ang a, la nei lo te kha chuan "Nei kher lo pawh hian a awm theih e" in ti ngei ang tiru?

Nia, lerh ve deuh chu a ngai a ni. Mahse tumah han ngaihzawn lem loh a, tuman min rawn ngaihzawn lem si loh chuan tihngaihna a awm chuang der lo! Tuna kan kal dan hi a tha rih e, ti leh phawt mai ang.

47 comments:

  1. Lerh chu lerh tur, mahse lerh tuk loh tur. Lerh loh lutuk pawh, a tha chuang love.

    ReplyDelete
  2. lerh ve deuh tawh la. Sa free a chakawm a lawm maw le. Hehe

    ReplyDelete
  3. Lerh te chu a nawm reuh nen2 awww... Pasal nei tawh ho hi chuan, "Hmanhmawh duh reeng reng suh, nulat lai tluk a awmlo" an tia, an thu kan awih rei mah mah deuh chu a nih hi

    ReplyDelete
    Replies
    1. Mahse independent deuh lo nih ve trawt hi nuam bawk siaaaa

      Delete
  4. I han ti takna a, a ruk chuan ngaihzawng i ngah hle awm tho sia. Nula luck ho chuan tihian an ti zeih zeih a, a rukin an hung thluah zel..... ehermmmm

    ReplyDelete
    Replies
    1. Khai awww min va'n man chiang em! Pakhat han thlan bik chuan midang rilru na tur kha an khawngaihthlak leh bawk sia huihamsss

      Delete
  5. Hahaha.. A eng emaw ti laiah chuan ka nuih huk huk alawm. I thu vuakthlak dan chu lanu senior thu chiah chiah! Nula chu pasal nei lova a upat tulh tulh chuan pasal neih châkna a tlem telh telh a ni an ti a, a dik leh dik loh chu i hre chiang ngawt ang. :)

    Nia, lerh loh chuan ngaihzawng hi neih ngaihna a awm lo hrim hrim. Mi'n min lo ngaizawng pawh ni se, kan lerh loh na na na chuan kan lo 'aw' kher lo va, ngaihzawng neih theihna chance a awm lo a ni. Nang pawhin ngaizawngtu chu i ngah ang tih ka hria; i lerh loh hmel em a nih kha! :D

    ReplyDelete
    Replies
    1. Tu in nge nula senior tih tawngkam rawn hmang hmasa ber ang awww tiin ka lo ngaihtuah a :P

      Nula chu pasal nei lova a upat tulh tulh chuan pasal neih châkna a tlem telh telh a ni an ti a. Neih tur an vang telh telh pawh a ni maithei asin hahaha kan lo khirh telh telh bawk nen. Naupan at lai khan lo nei daih ila a tha tur, tiin han inhnem dawn mah ila naupan at lai pawh khan neih tur kha kan hmu chuang lem hlei lo a.

      Delete
  6. El aw el, ambs, and this from a classic, dyed in the wool spinster. When did they bring in this new fangled reply to every post thingy bt w?

    ReplyDelete
    Replies
    1. Well, this leopard's trying to figure out if she can change her spots (let's just hope she doesn't turn into a cougar hahha lame joke yeah i know).. This reply thing's been around for quite a few weeks now. I find it very handy.

      Delete
  7. Lut ve rawp teng, Lerh a sawi tlat.

    Aduh, i lerh lo em ni? Lerh ka ring, thil sawi awm tak i sawi thiam em mai, lerh lo tan a theih loh vang.

    Lerh hi a tha ve tho, zakhua an rawih duh a nia, pasal chungchangah chuan mimal duhthlanna a fuh ber, mi hi kan tawng peih khawp a, a chhan hre hawt lo hian mi dang nunah hian kan buai vak zel ringawt mai.

    Tlangval tha leh ta ila, Mobile awm tawh si, Fb awm bawk si, ka hmel a tha chho zel bawk si a, ka lerh viau ta awm e. Caribou te nen hian nupui pawh kan nei lawk lo awm a sin daih mai a.

    ReplyDelete
    Replies
    1. Nia midang nuna inrawlh hi chu kan ching e hnam tin hian, a Zo a Vai hian "Engtikah nge pasal i neih dawn" han ti leh chawt tawk hi an awm leh thin.

      Mobile leh FB awm hma i tlangval lai pawh khan i hmeltha in i lerh ve thin tihna ni maw! I la tha chho telh telh dawn chu a nih hmel sia.

      Delete
  8. Kan la in ang tluang zel e, ti ve leh pawp mai ang.. a nuam ve hrim hrim alawm. Kei chu ka lerh lutuk, mahse ka hmu zo bik chuang der lo a nia. lerh pawh hi eng tihna mah a ni chuang lo hahaha..

    ReplyDelete
    Replies
    1. Thiannu i reh rei lutuk a pasal min lo neihsan ta daih emaw ka tia! Lo blog leh tawh teh.

      Delete
  9. Tunlai thangthar ho chu saptawng in an lerh, an 'flirt'.

    ReplyDelete
  10. Saptawngin kan chhiar palh hram chu le... "Lerh, hi!" as in "Slut, hello!"

    :D

    ReplyDelete
    Replies
    1. A group of tourists was travelling in the Australian outback. Their guide would point out signboards written in the native language and show them how to pronounce the words. At the next signboard an eager woman said she would read it, and said "Reef-leee Ren-gee", turned proudly to the guide "How did I do?"

      The guide answered: I would have read it as "Rifle Range." :P

      Delete
  11. Lerh tur chuan hmelthat a ngai, luck viau loh chuan a lerh theih dawn em ni te ka ti mai mai. Zei hi chu a pawmawh khawp mai. Zei tur chuan zahloh theih a tul ve bawk sia. Tsa sawi ang deuh khian naupang te si hi i senior chet tlat ania.

    ReplyDelete
    Replies
    1. Nia hmelthat hi a ngai. Hmelchhe deuh lerh deuh hi chu zaa 10 vel an ni anga, keini chu a dang 90 zingah khan kan lo tel leh bawk si. TSA khi maw ka nau nau nau nau nau leh ai pawn a naupang ang.

      Delete
    2. Het! Em em che chuan! Ka u ve fang tawh a nia.

      Delete
  12. I rilru a kal kual riuh reuh ani maw hairehai :)

    ReplyDelete
  13. Tinge LERH i tih? Pu HVa'n a rawn hau che a nge. LER ti ta che. :-P Lungngai reng reng suh, tikhan minlo nghak tang tang la kan innei thei tep tawh a lawm :-P

    ReplyDelete
    Replies
    1. Minlo nghak fan fan rawh. Nupui neih hma a pawl sawm tal hi chu pass ka duh sia. Kan bei leh tang tang a nge.

      Delete
  14. I ngaihtuah kual ve tan ani maw?!! "Tuna kal dan pangngai hi a la tha" i ti rei lutuk ang e!! Ka nula hriat senior ve deuh tawh pawh hi a duh ve leh sia, mahse date a neih chuan a analyze vak zel a, buaithlak ni!!

    ReplyDelete
    Replies
    1. Hahaha analyse hi chu kum a lo tam chuan a rawn awm tawp, duh vang reng leh khirh vang reng pawh a ni lo. Nangpawh tun atanga kum 10 velah i la nula chuan i ti ve mai ang :P

      Delete
  15. Lerh lam pawh a ni lo, neih tur dik tak hi chu a hunah a lo awm ve mai. Hmanhmawh thlak vak loh. Keichu pasal tur hi Pathian hnenah ka dil tawp! Min pek hi tha ka la ti zel :)

    ReplyDelete
    Replies
    1. Pathian hnena dil tawp chu a tha. Mahse "God helps those who help themselves" an lo ti leh bawk sia, tlema tan lo lak ve deuh te hi a ngai lo maw? Tihngaihna chu ka ka hre chuang law.

      Delete
  16. Lerh hle mai tur... tlangval ho hian an sawi ve ziah na a, lerh deuh an tih pawh kha an bula a rawn nuih ar ar chuan "....chhungril nun lam hi a ni zawk!" an ti leh a. Pawn lam nun pawh chianglo hi chhunglam an ngaihtuah veng veng tawh zel :P

    ReplyDelete
    Replies
    1. Lerh lo deuh nui ar ar lo kha chu "A chut, a boring" in ti leh sia. In buaithlak!!

      Delete
  17. 'Lerh ve deuh a ngai' i tih lai tak khi ka lawm lutuk. Han hir hah ve chiah la...

    Tak takin pasal neih hi famkimna tawpkhawk chu a ni hauh lo va. Mahse nupui pasal neih hi kan tih tur a ni. Tha tak Pathianin a pe ang che....

    ReplyDelete
    Replies
    1. Hirha dan tur ah tak khian alawm buaina chu a lo thlen leh thin!

      Delete
  18. Lerh hi chu a tha lo, lerh loh hi a him ber

    ReplyDelete
  19. Lerh dan indawtin kan comment a va nih duh hmel e..

    Nula lerh deuh har hian pasal tha deuh an nei nalh duh.

    Nula awm chut chut hi an rai nulh duh viau bawk.

    ReplyDelete
    Replies
    1. Va vang em em! Rai nulh ai chuan pasal tha deuh neih nalh chu a tha zawk sia.. ka awm chut chut bawk sia.

      Delete
  20. Pasal nei tur chuan inngaihzawn ve phawt chu a ngai si a. Ka lo ngaizawng mai dawn che a maw ni le.hahaha.

    ReplyDelete
  21. Mizoramah hian, ngun takin chhut ila - hmeichhe zingah, pasal nei a, fa nei tlâk tak tak ho hian an nei peih mang lo tan a, fate kaihruai thei mang lo tur awma lang ho hian an nei mawlh mawlh thung a. Chu chuan kan society-ah hlet tha lo a chhuah mek niin a lang.

    Nula fel, kawng dik leh thaa fate hruai a, Pathian leh Zoram tana mi chhenfakawm fa hring thei tur ho hian pasal neih hi Zoram tana in tih tur a niin ka hria.

    Tuna nupui pasal nei ta te hi an 'lerh' vang a ni lem lo. Lerh tak tak ho hi chuan neih ber tur hre mang lovin ngaihzawng an nei dem dum ringawt mai zawk a ni lo maw?

    ReplyDelete
    Replies
    1. Fa te hi nei ve ila "Pathian leh Zoram tana mi chhenfakawm" ah hian kan chhuah ngut ang e maw...

      Delete
  22. Phai a awm tasn chuan neih tur an vang pharh mai thei nia

    ReplyDelete