Sunday, May 8, 2011

Pawnfen

Puanfen an ti emawni, a enge dik zawk chu ka hre lem law. A dik ve ve ah lo ngai phawt teh ang.

Hmanni chu inti nù tawkin office ah pawnfen ka va feng ve ngei a. A hma pawhin fen chu ka tum ve tawh thin, mahse kal dawn tepah hian ka inthlak leh rup rup zel. Chuan ka va feng ve ta a, inthlakna awm ta lo kha chu nileng chu ka daih ve mai a. Mahse ka pawnfen fen berkher kha a lining na nal deuh mai hi a nia, chair ah hian ka tawlh zuk zuk reng mai a, khup chen chauh a nih avang khan uluk taka thut kha a lo ngai lehzel nen, ka hah khawp mai!

Chutia han inhmeh lo em em bik ka nih pawh ka hre lo a, chawnlian ve tak chu ni mah ila ka zahpui lem lo a, bawp te pawh tawi ve terh tawrh hle mahse ngalsang pui pui zingah ka inthlahrung chuang hauh lo. Mahse ka ti mi lo ve tawp.

Pawnfen feng ngai lo chu ka ni bik miahlo ania aw, naupan lai leh tleirawl tirh te kha chuan feng ve nasa alawm. Kekawr hak tuh reng ai hi chuan a nalh zawk pawh ka ti, a nù zaih mai a. Sang deuh slim deuh zeih zawih in an han fen phei hi chuan a mawi lehzual ka ti. Ka chak ve thei lutuk.

Tunlai phei hi chuan Mizoramah lamah te an uar khawp mai lehnghal a, thiante tawi ve teng tawng deuh te pawn an lo feng lawp lawp han hmuh takah chuan ka'n lei ve ringawt a. Feng leh chuang lem hlei lo a, dul lamah harsatna lo thleng ve lehzel bawk nen. Pakhat phei chu thingrem mawngah nalh deuhin ka thlep than. Khaw eng hmuh ni te chu a la nei ve mahna.

Vai ho in a salwar kameez an lo hak nachhan hi ka hre ta. Khawlum deuh ah pawnfen chhing i feng ve tawh em? Chawn vel hi a sa hut hut mai a, khawlaiah phei chuan rei deuh han kalpui ngam hi a ni lo reng reng. An salwar kameez hak hi a lo remchang khawp mai a (hak chu ka ha chuang hauh lo a), nù bawk si, chetvel khawr tut si lo, zahawm lo bawk si lo, a remchang vel vek tawp.

Chutiang bawkin kawrfual te pawh. Hak loh hian an lo thing leh thin. Engpawhnise, zawite chuan kal dem dem dawn chuang lo mah ila, pawnfen fen te, kawrfual hak te hi uar ve deuh tum tawh tur a ni.

26 comments:

  1. Miss Aduh, pawnfen tih kha a dik e.

    Tun laiah chuan a chawn puar lian tha tha leh bawp tawi tawite hian an feng chhing ni mai hian ka hre thin. Thau deuh tan phei chuan khup khuh pha lo fen hi a inhmeh duh lo khawp mai! Khaw lum laia fen reng chuan mal a dum mût mai ang, sunburn neih pawh a awl maithei. Mahse, kei chuan kekawr tait teng tawng ai chuan pawnfen feng hi hmuh nuam ka la ti zawk tho tho, a fengtu a tizahawm bikin ka hria.

    I pawnfen feng lai chu hmuh a châkawm khawp mai! Feng zeuh zeuh rawh, inlak-sess nan leh inlak-young nan:-P

    ReplyDelete
  2. Miss Aduh (tih zel kher tur ni hmiang ka tia...:p)

    Pawnfen-ah pawh hian chi hnih a awm ve a - fen fual leh fen chhing. I sawi ang chi leh tunlaia an uar em em tak hi fen chhing tih deuh kher loh chuan keini ang tar deuh tawh tan chuan kan fen ve lawp lawp fo pheikhawk nen a in zawm deuh thuak hi emaw kan ti dawn mai sin :D Chawn sek pui pui in ka fen chhing ve an ti hi chu huisssss leng lung hlawm hian, an chawn hi sum sak a chakawm thei fu ni, them butterball ewwwy legs!

    ReplyDelete
  3. Mizo hmeichhia in pawnfen an han feng hi chu in nu (lady) zaih hian ka hmu thin. "Chhingmit kawpza hian rul zai a rel thei law'ng nge," tih ngam tep a ni.

    Sawi ve ta mai mai ila, Mizo hmeichhe tawi te te in pheikhawk sang tak2 an bun hi chu a nuihzatthlak tepin ka hria. Mak deuh mai chu hmeichhe sang, zen zeh zawih hian high heel an inhmeh ber a, hmeichhe hniam hian flat emaw an inhmeh ber thung. Mahse, miin a sang an buna an inhmeh chuan a hniam pawhin inhmeh ve emaw an inti hram zel. hairehai :D

    ReplyDelete
  4. Pian nalh chuan engkim an inhmeh vek mai, a chhing, a fual, a laklawh etc etc. Mizo hmeichiate incheina kan vei lutuk hi chu a ninawm lam hret chu ani. Zu vei ang chauh ani, a duh chuan an ti reng dawn thovin ka hria.

    ReplyDelete
  5. TS - Mal dum khawp khawpa pawnfen han fen tak mai dawn chu leh! Kekawr tait teng tawng hak hi chuan nalh riaua inhriatna hi a awm alawm, chuvang ania kan hak sup sup ni. Pawnfen chhing tak feng tur hi chuan confi a ngai teh mai.

    Calliopia - Pheikhawk nena inzawm deuh thuak hahaha feng fual awm delh delh hle mai, a tlang a bal duh awm!! Fen fual leh fen chhing a awm i tia, nakinah chuan fen chhing em em leh fenloh te pawh a la awm zel ta ve ang ti nia...

    ReplyDelete
  6. HV - Hlaphuah lam pawh i lo tihmi dawn hi a. Pheikhawk sang te chu mi tawi te te an lo lan san ve nana an siam alawm, Mizo hmeichhia te hian kan mamawh thlawt in i hre zawk lo maw?

    daniel - I va han sawi dik em! Mizo hmeichhiate incheina hi chu kumkhuain kan vei anga, mahse engtikahmah awmzia a nei chuang lo ang. Inchei te hi chu a peih mi leh peihlo mi an awm ve a, kan pawi an sawi em em loh or a hun leh hmun in a zir thlawt lo te a nih loh chuan nuihliampui mai mai tur. A hunlaia incheina nalh uchuak apiang hi a thin hunah pawh a thing nasa zual bik thin :P

    ReplyDelete
  7. Bawp tawi emaw tawi lo emaw, pawnfen chhing tak nula in in feng hi chu, mipa tan hmuh in nuam hrim hrim :-P

    ReplyDelete
  8. Generally, short women desire high heel shoes. This is because every woman desires to appear elegant and elegance has a lot to do with how tall you are as woman. Hence once a short woman appears on a high heel shoe, her stature increases in height. Wearing a good high heel shoe can improve your elegance as a short woman.

    But, one needs to have this at the back of their mind. Even though high heel makes a short woman look elegant, this does not mean, "All short women looks elegant on high heel shoes, just as every designer dress does not match every womens physic". NOI :)

    Nang chu i inhmeh tho ang ka ring hairehai ;)

    ReplyDelete
  9. sekibuhchhuak - In ramah khan an feng chhing thei fu lo maw? An bawp kha a sei vak hlawm bik ka ring miah lo hehehhe

    HV - It's not about how tall or short you are with or without high heels, it's all about how you carry yourself and your level of self confidence. Doesn't every person, male or female, want to look good? And if wearing heels makes you feel good, go ahead and wear it even when you're in bed! If anyone thinks you look bad in heels, well that's their loss, not yours.

    Kei chu inhmeh loh tak tak pawh hi ka neilo ;)

    ReplyDelete
  10. Uniform ha thang ka nia, pawnfen hi ka feng nitin, inhmeh leh hmeh loh ngaihtuah theih pawh a ni lo, feng ve tawp mai ni. Khup khuh chang chang deuh hlir ka feng, keini nu tereuhte pawh kan lang smart ve deuhin ka hria, fual per pur fen ai chuan.

    Tin, a fual leh fual loh chu a thui dan azir a ni bawk. High heel shoes - pawnfen chhing, arh lo, tight fitting, khup thleng fen chuan pheikhawk sang nen a inhmeh bik a, fen fual arh hlei hluai chu vawthlep nen mai mai a inhmeh zawk bawk a.. a tam mai. :D

    ReplyDelete
  11. Pawnfen hi chu ka confi pui thlawtlo,puan ven hi ka inhmeh zawkin ka hria. Mahse ka nin chu tunlai inti Mizo culture chhawm nun tum hovin hmeichhiaten hnathawh naah puan veng se, an tih chhen hi. Hnathawh naah hi chuan a rem treuhlo, bakah pawnlam culture kan ngai pawimawh leh lutuk, te ka ti ta duaha :D
    Kan tleirawlho ho hian pawnfen hi an inhmeh khawp mai, chhelo tak2 hi an lo tam.

    ReplyDelete
  12. Most women prefer a trip to hell in high heels than to walk flat-heeled to heaven - William A. Rossi :D



    Heihi en atha ka ti:
    http://www.tv.com/what-not-to-wear/show/20809/summary.html

    ReplyDelete
  13. Varte - Dik lutuk, pawnfen fual delh dulh fen chuan min ti hnawk ka ti. In uniform hi a smart ka ti khawp mai.

    ReplyDelete
  14. ka tleirol chhuahin pawnfen fual ka feng ve a, kan venga zurui hian "nuthlawi i ang" min tia...ka feng khat ta khop mai..mak ka tih chua thau deuh poh hian pawnfen ai chuan mizo Puan ngei mai hi kan lo mawipui leh daih thin si hi a ni..kei chu puan ka bih hian ka confi zawk daih zel tunlai chu...siniar ta poh a ni mai thei e...pawnfen chu i inhmeh phian lo mo?

    ReplyDelete
  15. Pawnfen mawina ber chu muang changa han phelh sak hi... :D

    ReplyDelete
  16. Pawnfen hi chu mipaah a tla na achhan chu a nu hnap an ti. "Nu" tih sawifiahna ka hre lo- Ngawi chawi, dawih deuh, tawng siap siap, nui her her, zak zum deuh, sam ngil sei thlah hniang, ngo lampang, pen dem dem- tih vel hi a ni maiin ka hria. Keini chak taka inkhalh chhuak lawp lawp, kekawr nena tei fua fua leh bar tun tun a nui huah huah zel tan chuan nu nih hi a har a ni. Pawnfen te chu feng ve ila kan nu ve deuh mahna.

    ReplyDelete
  17. I pawnfen feng lai thlalak chu lo tar lang chhin la, i inhmeh tak tak leh tak tak loh kan lo en ve ang chu. I inhmeh ka ring khawp mai.

    ReplyDelete
  18. Miss Aduh, i 'pawnfen' chu an va kai pharh nasa ve! Pu HV-a phei chuan link te hial pein a lo buaipui a nih hi! :P

    ReplyDelete
  19. Ka ngaihven lam a ni bawka ngaihnawm phian. Mizo nula hian eng tizawng pawn inchei sela nalh ka ti em em mai peka. Vai leh hnamdang ai hian an tawih ka ti zawk zel. An mawi em!

    Tunhma ka conservative mawl lai khan hmeichhe incheina hi ka'n vei ve thin khawp a, mahse a ho ka ti ta riau mai. Bible-in sual hlum hlak anga a sawi lem loh hi chu tawngpawng do leh huat tawp hi a finthlak loh a ni e. A fel leh fello chu an awm zel anga. A fel chuan awm tawkin an inchei anga a mawl chin chuan lepchiah tak pawn va in chei rawh se...khawvel tikim tu.

    ReplyDelete
  20. kuku - Ni e fen than loh chuan confi hi har deuh asin. Hnathawhnaa puanven chu a buaithlak ta fu ve ang, a practical hlawl lo.

    HV - Thanks for the link

    Grace - Zurui thusawi te ngaihpawihmawh tur a ni lo. Inhmeh leh hmehloh hi chu rilru hi a ni zawkin ka hria, te ka tia..

    Mizohican - Hahaha

    ReplyDelete
  21. jay-me - Hey thanks for visiting. "Nu" tih i sawifiahna ah chuan ka tla chiang kher mai, "pen dem dem" tih lai tak phei hi chu! Nia kekawr hi ha reng lo ila kan lang nu ve deuh mahna, te ka lo tia keipawh.

    caribou - Hahaha thalak te chu dah chi nang, ka readership tlemte neih ve chhun ka hloh anga sin le!

    Zaia - Hei ka update peih loh luat azarah an kai pharh ta nih hi!

    Krista - Thanks for visiting. Mizo nula ngei nalh i lo ti chu a va lawmawm em! "Tunhma ka conservative mawl lai" tih hian min ti nuichhuak mawle. Mahse conservative hi mawl nihna a ni kher lo ang chu tiraw? Ni e mi chi hrang hrang inchei dan hrang hrang hian khawvel chu a tikim e. A hun leh hmun hi hria ila a pawimawh ber in ka hria.

    ReplyDelete
  22. I thuziak a ngaihnawm hlawm hle mai. ^^{fly}^^ here. :)

    ReplyDelete
  23. Tunlai YMA ho hian puanfen tur an ti che mi.. mizo hmeichhe bloggers ho blog ah puan lampang hlir in lo post le.. hehe.. Mahse thil tha ni zawk in ka hre tlat.. pian nalh ve si lo nen jean an in hmeh duh lo bik .. hahahaha

    ReplyDelete
  24. Vanlalhlua - Ka thuziak te i lo chhiar a, a lawmawm e. I lo chhiar ziah dawn nia.

    mnowluck - YMA chuan engtin mah min ti hauhlo. Ka duh leh duhloh ni mai, ka inhmeh vek bawk sia :P

    ReplyDelete
  25. Kei chu pawnfen arh hluai mai an feng thin hi a nalh ka ti ve tlat.

    ReplyDelete
  26. Sangpuiipa - Thanks for visiting. Pawnfen arh hluai hi inhmeh a har tawp. Hman deuhah khan KS pawnfen an tih mai rang rek ruk arh deuh mai kha an uar thin :P

    ReplyDelete